i want to know what the dramatic changes between now and then. And what language techniques have disappeared or are still in use today. And just anything that proves that language has changed (: cheerios
Here is the beginning of le Morte d'Arthur. Do you see any differences?
Hyt befel in the dayes of Vther pendragon when he was kynge of all Englond / and so regned that there was a myȝty duke in Cornewaill that helde warre ageynst hym long tyme / And the duke was called the duke of Tyntagil / and so by meanes kynge Vther send for this duk / chargyng hym to brynge his wyf with hym / for she was called a fair lady / and a passynge wyse / and her name was called Igrayne / So whan the duke and his wyf were comyn vnto the kynge by the meanes of grete lordes they were accorded bothe / the kynge lyked and loued this lady wel / and he made them grete chere out of mesure / and desyred to haue lyen by her / But she was a passyng good woman / and wold not assente vnto the kynge / And thenne she told the duke her husband and said I suppose that we were sente for that I shold be dishonoured Wherfor husband I counceille yow that we departe from hens sodenly that we maye ryde all nyghte vnto oure owne castell / and in lyke wyse as she saide so they departed / that neyther the kynge nor none of his counceill were ware of their departyng Also soone as kyng Vther knewe of theire departyng soo sodenly / he was wonderly wrothe / Thenne he called to hym his pryuy counceille / and told them of the sodeyne departyng of the duke and his wyf /